Kryetari i Aleancës Kosova e Re, Behgjet Pacolli, ka zbuluar identitetin e dy vëllezërve nga Kosova, të cilët raportohet se kanë humbur jetën poshtë rrënojave të hotelit “Tropikal” në Durrës.
Me një postim në rrejtin social “Facebook”, Behgjet Pacolli thekson se dy vëllezërit që humbën jetën janë Shemsedin dhe Isa Abazi, nga qytetin i Gjilanit.
“Shemsedin dhe Isa Abazi, dy vëllezër nga Gjilani janë dy nga viktimat e sotme. Ngushëllimet e mia më të sinqerta familjes Abazi. Ne ndajmë dhimbjen tuaj!”-shkruan ai. Mësohet se njëri prej vëllezërve kosovar është nxjerrë nga rrënojat e hotelit, ndërsa vijon operacioni për nxjerrjen e tjetrit.
