Edhe pse tema e emisionit “360 gradë” trajton çështjen e tërmetit, gazetari Artur Zheji nuk mund të shmangte paketën antishpifje që pritet të miratohet në datën 19 dhjetor në Parlament.
Artur Zheji: Ligji anti-shpifje është një ligj shumë i tmerrshëm. Institucioni i AMA-s që herë ka sy dhe herë nuk ka sy në këtë rast do të përcaktojë masën e ndëshkimit sikur të ishte një gjykatë. Një institucion që varet nga shteti merr atributet e një gjykate për të përcaktuar, psh nëse Artur Zheji ka lënduar apo nuk ka lënduar dike. Nuk ka rëndësi nëse e ke opinion. Ato portalet që do riprodhojnë lajmet shtetërore ato nuk kërcënohen.
