Një 57-vjeçar është gjetur i pajetë tek Liqeni Artificial pak minuta më parë. Sipas njoftimit të policisë, bëhet fjalë për shtetasin A. I., i cili dyshohet të jetë vetëmbytur.
Lidhur me këtë ngjarje forcat e policisë kanë pyetur edhe familjarët, të cilët kanë deklaruar se ai vuante nga problemet mendore.
“Rreth orës 07:00 në Liqenin Artificial, nga ana e shërbimeve të Komisariatit të Policisë Nr 1, është gjetur i pajetë shtetasi A. I.,57 vjeç, banues në Tiranë. Nga kqyrja paraprake në trupin e viktimës nuk janë konstatuar shenja dhune. Nga deklarimet e marra nga familjarët shtetasi A. I. vuante nga probleme të shëndetit mendor si dhe dyshohet të jetë vetëmbytur.
Ky shtetas ishte shpallur në kërkim ditë më parë për largim nga banesa. Materialet do ti kalojnë Prokurorisë së Gjykatës Shkallës Parë Tiranë për veprime të mëtejshme”, njoftoi policia.
