Shkëmbim zjarri në orët e para të mëngjesit në kufirin greko-shqiptar mes një grupi grabitësish dhe policisë greke.
Në Agio Nikola, Filat të Igumenicës, policia greke ka pikasur një grup prej 5 personash që po tentonin të kalonin ilegalisht kufirin nga Greqia në Shqipëri.
Në ndjekje të tyre u vu skuadra e OPKE, sektori kundër narkotikeve dhe dy skuadra të policisë kufitare.
5 personat shoqëronin 2 kafshe mushka.
Gjatë tentativës për ti ndjekur, skuadra prej 5 personash hapi zjarr ndaj policisë dhe të njëjtën gjë ka bërë dhe policia greke. 3 persona kanë arritur të kalonin në tokën shqiptare, në një zone pyjore, ndërkohë që u kapën dy prej tyre, shqiptarë të moshave 16 dhe 46 vjeç.
Gjate kapjes, 46-vjeçari ka bërë rezistencë të madhe, duke plagosur lehtë një oficer policie.
Dy mushkat rezultuan të ngarkuara me 4 bagëti të therura, të vjedhura në një stan ne Agio Nikola, Filat.
Nga hetimet e deritanishme rezulton se ky grup, ishte organizuar 4 muajt e fundit për grabitje kafshësh në zonën e Filatit, Igumenicë.
Ata hynin ilegalisht në Greqi nga mali dhe pasi vidhnin kafshe, i transportonin ato të gjalla ose të prera me mushka drejt Shqipërisë ku dhe i shisnin.
Në datat 10-29 gusht ata kanë vjedhur 3 bagëti.
Në 28-29 gusht në një kullotë në Katsika, Filat kanë vjedhur 3 bagëti
Në 11-12 dhjetor në Kerasoxori, kanë vjedhur 5 bagëti.
