Mjekja Entela Ramosaço thotë se shkenca u gjet e papërgatitur me përhapjen e koronavirusit. Në studion e emisionit “360 gradë” Ramosaço tha se duhet ti lëmë kohë shkencës që të përgatitet për të përballuar këtë situata emergjence.
Entela Ramosaço: Në momentin që flasim për një virus të ri të panjohur që nuk i dihet virulenca. Deri tani dimë që ka dhënë mortalitet, e njohim si koronavirus, por duke qenë se është një nëntip i ri e gjen popullatën të papërgatitur në dy drejtime: E gjen popullatën të paimunizuar sepse është i ri dhe popullata nuk ka rënë në kontakt me të dhe e gjen mjekësinë para një emergjence që do të përgatisë në një kohë rekord vaksinën siç ka ndodhur në 2009 kur vaksina u përgatit për tre muaj dhe siç u hodh tamifluja shumë shpejt . Ti lëmë kohë shkencës dhe botës të përgatiten për të përballuar këtë sic janë përgatitur për pandemi të mëparshme.
