Në mesditën e djeshme (e shtunë 8 shkurt 2020) në Akrocorinthos Corinth, policia e Atikës u përlesh me tre hajdutë me origjinë shqiptare, në një makinë. Në operacion morën pjesë edhe forca ajrore.
Mediat greke bënë me dije se një çift u arrestuan sot, por ende nuk janë bërë të ditur emrat e tyre.
Njëri nga të plagosurit u përpoq të shpëtonte duke u hedhur mbi një shkëmb, ndërsa dy të tjerët u dërguan në spital për të marrë ndihmën e parë, pasi ishin plagosur në këmbë.
Prej ditësh policia kishte pikasur hajdutët dhe i ndiqte shqiptarët.
Hetimet
Nga hetimet rezulton se kjo ishte një bandë që kishte kryer një grabitje të madhe në një bankë në Kalamatë, gushtin e vitit të kaluar. Gjithashtu edhe në Parga kishin kryer një grabitje dhe në të dyja rastet kishin përdorur armët.
Brenda makinës së autorëve të krimit, policia gjeti një pushkë kallashnikov dhe aktualisht është duke u zhvilluar një operacion i gjerë për gjetjen e një tjetër personi dhe fshehjen e armëve të tjera.
