Dy persona janë vrarë mbrëmjen e sotme në Kodër Rrëshen të Mirditës. Mesohet se viktimat janë motër dhe vëlla Esmeralda Filopati, 36 vjeçe dhe Vledison Filopati, 34 vjeç.
Ngjarja ka ndodhur në oborrin e banesës së familjes Filopati dhe dyshohet se ka ardhur për shkak të konflikteve familjare. Ish-bashkëshorti i 36-vjeçares, Fatmir Kolecaj sipas policisë është autori i dyshuar kryesor.
Ndërkohë policia ka ngritur një grup hetimor për zbardhjen e krimit të dyfishtë dhe janë ngritur postblloqe në rrugët hyrëse e dalëse të Rrëshenit për kapjen e autorit.
