Shkon në 6 numri i viktimave nga koronavirusi në Greqi.
Bëhet me dije se personi i 6-të është një 70-vjeçar nga Kastoria. Ky është personi i 3 nga ky qytet që humbet jetën. 70-vjeçari ishte mbartës dhe i disa sëmundjeve të tjera, kjo e kishte përkeqësuar shëndetin e tij.
Deri më tani në Greqi kanë humbur jetën 6 persona, ndërsa 418 janë të infektuar. Ditën e djeshme Greqia raportoi 31 persona të infektuar në 24 orë.
Kujtojmë që edhe vendi ynë prej disa ditësh është prekur nga koronavirusi dhe deri më tani 2 persona kanë humbur jetën, ndërsa 64 janë të infektuar.
