Pas Italisë një nga vendet më të prekura nga koronavirusi në Evropë është Spanja. Numri i viktimave përditë në vendin iberik është me qindra, njësoj edhe si në Itali. Sistemi shëndetësor është pothuajse në kolaps të plotë, sidomos për mungesë të shtretërve për të pritur pacientët me Covid-19.
Gazeta italiane “Corriere Della Sera” ka publikuar një video nga brenda një prej spitaleve kryesore të Madridit, kryeqytetit të Spanjës. Sic shihet nga pamjet, gjendja është alarmante. Shumë prej pacientëve të infektuar me Covid-19 janë shtrirë në korridoret e spitalit e të tjerë nëpër stola.
Në rast se edhe Shqipëria do të shkojë drejt një skenari të tillë si ai në Spanjë apo Itali, që nuk e urojmë kurrsesi, ka gjasa që pamje të tilla t’i shohim edhe në spitalet e vendit tonë, të cilat për nga kapacitetet dhe infrastruktura janë në një gjendje të mjerueshme po t’i krahasojmë me vendet e Bashkimit Europian.
Le të shpresojmë se nuk do të shkojmë drejt këtij skenari. Përsërisim thirrjen për të qëndruar brenda, për të larë duart shpesh dhe për të kufizuar kontaktet, sidomos me të moshuarit.
