Suedia ka vepruar ndryshe nga e gjithë bota për Covid-19, duke ndjekur rregullat e distancimit social, por duke mos aplikuar izolim të detyrueshëm. Shkollat, restorantet dhe baret janë të hapur- ndërsa rregullat e distancimit i janë lënë në dorë vetë publikut.
A ia ka dalë Suedia?
Sipas revistës Spectator, agjencia e shëndetit publik në Suedi ka publikuar një studim për ‘numrin R’, një njësi matëse që përdoret për të gjykuar suksesin e izolimit. Objektivi është që R të jetë poshtë 1, që do të thotë se një person infekton më pak se një person tjetër.
Revista shkruan se javën e shkuar, numri R në Britaninë e Madhe ishte 0.8. Por në Suedi ky numër është 0.85, pra me një ndryshim fare të vogël.
Kjo ngre një pyetje interesante: a mos ndoshta distancimi social vullnetar është po kaq efektiv sa edhe izolimi i detyrueshëm?
Në rast se Suedia do të jetë e suksesshme në modelin e saj, ky do jetë një lajm i keq për shumë vende që kanë mbyllur ekonomitë, duke shkaktuar dëme kolosale.
Megjithatë do të duhet kohë që të presim një rezultat më të plotë.
