Patrullat e policisë kanë shtuar kontrollet në qarkun e Shkodrës.
Ata janë vendosur në aksin rrugor Shkodër-Hani i Hotit, aty ku ndahet edhe territori i bashkisë së Shkodrës me atë të Malësisë së Madhe si dhe në Kryebushat.
Të gjitha automjetet që kryejnë kalimin në këtë zonë, kalojnë në sitën e policisë, nëse janë të pajisur me autorizim.
Kjo për shkak se nga kjo e hënë e 11 majit, bashkia e Shkodrës ka mbetur e vetme në qarkun verior në hartën e kuqe, pasi Malësia e Madhe, Vau i Dejës, Puka dhe Fushë Arrëzi kanë hyrë në zonat e gjelbërta. E njëjta proçedurë kryhet edhe në kufirin që ndan Shkodrën me Vaun e Dejës. shkodranews
