Sotir Kllapi, Vladimir Mara dhe Dritan Prençi janë tre prokurorët që KLP ka përzgjedhur për SPAK. Kështu, skualifikohet Dorina Bejko. Tre prokurorët e rinj të SPAK betohen në datën 21 maj para Presidentit Meta, duke marrë kështu mandat të plotë.
Eshte zbardhur edhe pikëzimi për secilin për kandidatët që janë si më poshtë: Sotir Kllapi 174 pikë, Dritan Prenci 171 pikë, Vladimir Mara 168 pikë, Dorina Bejko 158 pikë
Dritan Prençi dhe Vladimir Mara njihen si dy prokurorë që kanë drejtuar disa nga dosjet më të rëndësishme të zyrtarëve dhe të luftës kundër krimit të organizuar. Fillimisht të dy prokurorët ishin komanduar në SPAK, dhe pas betimit te presidenti Meta, ata do të kenë mandat të plotë.
SPAK duhet të ketë 15 anëtarë në mënyrë që të funksionojë normalisht, pasi ka një numër të madh dosjesh që presin për tu hetuar.
