Një aksident ka ndodhur gjatë orëve të pasdites në qytetin e Elbasanit.
Një automjet tip ‘Benz’ ka përplasur një këmbësor të moshës 60 vjeç i cili punonte roje në një pallat në ndërtim.
Aksidenti ka ndodhur në lagjen ‘Kongresi i Elbasanit’
Drejtuesi i mjetit është larguar menjëherë nga vendngjarja pa i dhënë ndihmën e parë të plagosurit.
Ky i fundit ndodhet për ndihmë mjekësore në spital, ndërkohë që nuk dihet gjendja e tij shëndetësore.
Policia po punon për zbardhjen e ngjarjes dhe gjetjen e drejtuesit të mjetit që shkaktoi aksidentin.
