Një fëmijë vetëm 12 vjeç ka rënë viktimë e rrahjes nga babai i një shoku të klasës në Peristeri, ndërkohë që në Greqi janë rikthyer akuza për sulmet me përmbajtje raciste ndaj shqiptarëve.
Në pamjet që janë publikuar dhe nga mediat greke, shihet sesi një 12 vjeçar me orgjinë shqiptare është shtrirë në tokë, dhe goditet nga një burrë. 12-vjeçari shqiptar ka treguar për ANT1, se ai ka qenë duke shëtitur me biçikletë kur është sulmuar nga shoku i klasës dhe babai i tij. Familja e nxënësit shqiptar të klasës së 6-të, e quan këtë një sulm rácist, dhe kërkon ndëshkimin e autorit.
‘Babai i shokut të klasës më kapi prej flokësh dhe më goditi në kokë’, thotë në dëshminë e tij i mituri shqiptar.
12-vjeçari dhe shoku i tij i klasës shpesh kanë dallime edhe brenda shkollës. Fëmija ka lindur në Greqi, ku prindërit e tij, të cilët vijnë nga Shqipëria, kanë jetuar për 30 vjet.
‘Ai më mallkon për vendin tim dhe babai i tij dikur më bërtiti sepse ne kemi pasur përsëri një zënkë dhe këtë herë ai më kapi për flokësh’, tha nxënësi 12-vjeçar.
Pas sulmit studenti i ri u dërgua në Spitalin e Fëmijëve, ku u zbulua se vuante nga një frakturë në qafë.
Prindërit e fëmijës shqiptar shprehen se po mendojnë që të ndërrojnë shkollën e djalit të tyre, pikërisht për shkak të sùlmeve të vazhdueshme që ata po ndeshin.
