Kryepeshkopi Anastas Janullatos pëson atak kardiak

Kryepeshkopi Anastas Janullatos ka pësuar atak kardiak dhe është futur me urgjencë në sallën e operacionit. Sipas agjencisë së lajmeve kishtare Romfea.gr, mësohet se kryepeshkopi i KOASh-it Janullatos është shtruar urgjentisht në spital pas një ataku në zemër. Për pasojë, mësohet se kryepeshkpi Janullatos ka kryer një ndërhyrje ne zemër ku ka vendosur dy stenda. Aktualisht, e njëjta agjenci bën me dije se gjendja e Janullatos është e kënaqshme, ndërkohë që pritet se pas dy ditësh, kryepeshkopi do të jetë në gjendje të shkëlqyer, për t;u rikthyer në detyrë. Kohët e fundit, kryepeshkopi Anastas Janullatos, 90 vjeç, kishte pasur shqetësime në zemër.