Skandal me zgjedhjet ne UMT, presione dhe favorizime ne kembim te votes studentore.
Vijojnë prej ditësh denoncimet e studentëve të Universitetit të Mjekësisë Tiranë lidhur me presionin e hapur dhe ndërhyrjet nga individë që prezantohen në statusin e pedagogut të këtij Universiteti për të deformuar qëllimisht vullnetin studentor.
Siç shihet qartë në këto screenshote të marra nga bisedat në grupet e ëhatss app-it të klasave, përdoren emrat e Rektorit, Dekanëve dhe Shefave te Departamentit për të intimiduar trupën studentore.
Në këmbim të votës sipas udhëzimeve, studentëve u premtohen favorizime në provime apo penalizime në rast të kundërt.
Profesori i identifikuar me emrin ‘Genti’ në këto screenshot-e kërkon listën e studentëve të cilët do të vijnë të votojnë sipas preferencave të tij, duke u siguruar dhe transportin.
Në bazë të informacioneve nga studentet dhe përfaqësuesit e grupeve, ky individ organizon mbledhje online në platformën ‘zoom’ duke tentuar të ndërhyjë në zgjedhjen e lirë të tyre, duke shkelur kështu hapur etiken, rregulloren dhe ligjin.
Natyrshëm lind pyetja: Çfarë e shtyn këtë pedagog të ndërhyjë në mënyrë direkte në zgjedhjet për anëtarët e Senatit Akademik në radhët e studentëve?
