Ata e besuan se kishte vdekur. Katër muaj më parë familja gjithashtu kishte organizuar një funeral për të.
Por ai është gjallë dhe u gjet duke bredhur në një varrezë të fshatit Kafr Al-Hosar, në periferi të Kajros (Egjipt).
Kjo është historia e jashtëzakonshme e Mohamed El-Gammal, një ish-mësues 40 vjeçar, i cili vuan nga një çrregullim mendor. Familja u shokua kur mësoi se kishin varrosur personin e gabuar.
E gjitha filloi kur në janar, 40 vjeçari u largua nga shtëpia. Nuk ishte hera e parë që ndodhte, por në këtë rast zhdukja zgjati shumë më shumë se zakonisht.
Anëtarët e familjes më pas filluan ta kërkonin, derisa u kontaktuan nga një spital që u tha atyre se kishte gjetur një kufomë të paidentifikuar.
Në morg, të afërmit konfirmuan identitetin: Ishte i dashuri i tyre. Të gjithë, përveç njërës nga motrat e burrit, e cila siç raporton Arab News, ishte skeptike.
Më 21 Mars i bënë funeralin. Pas 4 muajsh, atëherë, një burrë pa duke endur në varrezat e fshatit Kafr Al-Hosar dhe u dërgua në komisariat për identifikim.
Fill më pas u identifikua se ishte Muhamed.
Autoritetet kanë nisur hetimin se kush është varrosur në vend të tij.
