“Listat e hapura të Ramës, si nusja te “Dasma e Sakos”

26 Korrik, 2020

465

Nga Dashnor Visha

Listat e hapura që shejtani Rama i fryu ne vesh, Murrizit me kompani, të cilët njëherësh ia morën labçe e lalërisht isos rilindiste nën baketën e dirigjientit dështak Balla, të cilët ngaqë kanë mbetur të vetëm, në këtë verë të vetmisë së madhe, hidhen nga dega në degë, nga propozimi në propozim, deri në çmendurinë sovraniste të diktatorit Hoxha, idhullit të tyre të zemrave…
Listat e hapura të Ramës, më sjellin në mend, subjektin brilant të novelës së shkrimtarit, Vath Koreshi dhe filmin me të njejtin titull, ku nusja, pra listat, mbulohen aq sa donte beu shpirtkazmë, pra sulltani Rama, për të fshehur budallain e fshatit që e kishte veshur si nuse…Sakoja, pra populli, kur të hapë kutitë, siç Sakoja i shkretë hoqi duvakun nga koka e nuses së stisur, do të shohë jo budallain e fshatit si nuse, por kriminin dhe kriminelët monstruozë si deputetë të Kuvendit të Shqipërisë…
Ngjarjet e kësaj novele brilante zhvillohen në një fshat të Lushnjës në prag të Luftës së Dytë Botërore. Sakoja ishte një hyzmeqar beqar që punonte prej kohësh për llogari të beut shpirtkazmë të krahinës.
Ky i fundit, ashtu si edhe babai i tij më përpara, i kishin premtuar të varfërit e të ndershmit, Sako, se në shkëmbim të punës së tij të lakmueshme e të gjatë ndër vite, do t’i gjenin një nuse e do t’i bënin një dasmë të madhe…
Mirëpo vitet kalojnë e nuse s’ka. Sakoja plaket dhe nusja mungon të mbërrije, si dhe eldoradoja tredimansionale e Ramës që shfaqet nëpër ekrane e postera prej dy mandatesh të dështuar, ndërkohë që Shqipëria lëngon nga krimi, vjedhja, korrupsioni, PPP-të, dukuritë natyrore, pandemitë, kurse Rama me shpurën e tij majmen nëpërmjet akrobacive me opozitën parlamentare fasadë, pa din e pa iman, që nuk përfaqësojnë dot, jo popullin, por edhe vetveten…
Dashurinë e vonë për listat e hapura, Rama e ka alibi për të hequr koalicionet, ngaqë të gjithë parashikimet e nxjerrin humbës, madje një humbës të madh.
Është një farsë e neveritëshme dhe justifikim i paskrupullt në funksion të këtij qëllimi, që të ndryshojë rregullat e garës kur bilbili kishte rënë dhe loja kishte mbaruar, madje arbitrat e të gjithë palëve kishin nënshkruar gjithçka, madje edhe në një fushë asnjanëse, siç është Ambasada e SHBA-së…
Tashmë, dihet prej të gjithëve, brenda dhe jashtë Shqipërisë, këndej e andej Atlantikut, se zgjedhjet i ka dëmtuar koalicioni i Edi Ramës me krimin e organizuar, baronët e drogës, të korruptuarit dhe jo koalicioni parazgjedhor i partive politike…
Ndalimi i koalicioneve, gjysmëhapja e listave, dalja me lista të përbashkëta të opozitës, futja e pragut kombëtar në një sistem proporcional, përllogaritja nga një administratë kllounadë, e cila në zgjedhjet e kaluara iu desh një muaj për të nxjerrë pjesëmarrjen në zgjedhjet njëpartiake, çka zakonisht del për 5 minuta pas përfundimit të procesit, nuk paralajmëron asgjë të mire për Shqipërinë, demokracinë, lirinë dhe votuesin e nëpërkëmbur shqiptar. Këmbanat e partnerëve strategjikë bien, por Rama i ka zënë veshët të mbyllura me dyll, si Odisea. Dredhitë e tij nuk kanë më të ardhme. Rama ka mbetur tashmë pa Itakë, Shqipëria dhe shqiptarët e kanë sikterrosur…
Besa është lidhur me kryeministrin e ri, Lulzim Bashën!

Autori eshte kryetari i Partisë Demokratike Dega 6 Tiranë

Artikulli paraprak

Si e mori peng Myslim Shyri tregtarin tiranas

Artikulli tjetër

Denoncimi i Luçiano Boçit: Si po rrezikohet përhapja e virusit me provimet në Universitete me provimet

“Listat e hapura të Ramës, si nusja te “Dasma e Sakos”

Mbi 70% e shqiptarëve mbështesin drejtësinë, politika e dënuar të jetë PRO dhe respektojë vendimet e SPAK dhe GJKKO

Korrupsioni kapilar i tre viteve të fundit, një “enigmë” për t’u studiuar

Një gazetar i pasur është një gazetar që qelb erë, sepse ka shfrytëzuar zanatin për të arritur qëllime të tjera

Most Popular

Kunati i Almës: Edhe po të kishte 20 lidhje vëllai, s’është arsye për atë krim

EMRI/Iu bë atentat me armë zjarri teksa po pinte kafe, ndërron jetë 44-vjeçari shqiptar në Bruksel

“Burri 70 vjeç ikën e bredh”, gruaja dyshon për tradhtinë: Të kam dëgjuar në telefon e mesazhe

Tragjedia e Shkodrës, Pampuri: Ndihmë grave të dhunuara, mjaft më me fjalë, ka ardhur momenti i akteve konkrete

ABOUT US

Qëndro lidhur