Një 31 vjeçar ka gjetur vdekjen teksa është futur për të shuar vapën në ujërat e lumit Vjosë.
Sipas burimeve nga vendi i ngjarjes mësohet se 31-vjeçari Armando Begaj nga fshati Gorishovë njësia administrative Cakran, ka humbur jetën.
Ai kishte shkuar për tu larë në lumin Vjosë që kalon pranë fshatit Selishtë.
Trupi i tij është parë nga bashkëfshatarë të tij që kanë njoftuar policinë e cila ka shkuar menjëherë në vendin e ngjarjes e ka bërë të mundur nxjerrjen e kufomës nga ujërat e ftohta të lumit Vjosë. Ende nuk dihen shkaqet e humbjes së jetës të të riut.
