Ministrja e Mbrojtjes Olta Xhaçka tha sot se Forcat e Armatosura janë në terren që ditën e djeshme dhe po ndihmojnë në shpërndarjen e paletave ushqimore, nevojave higjieno-sanitare dhe kontrollet mjekësore kur është e nevojshme. Ajo bëri thirrje që të shmangen udhëtimet dhe se kush po pret në radhë të kthehet pas deri në normalizim e situatës.
“Numri i qytetarëve që lejohet të kalojnë është mjaft i kufizuar dhe kalimi i të gjithë atyre që janë aktualisht në radhë fatkeqësisht është i pamundur. Ndaj, bëjmë thirrje që jo vetëm qytetarët e tjerë të mos drejtohen drejt pikave kufitare me Greqinë, por edhe ata që presin në radhë të kthehen në banesat e e tyre, deri në normalizimin e situatës”, thote Xhaçka.
