Drejtori i fushatës në Partinë Demokratike, Alfred Rrushaj ka postuar një video në rrjetin social, Twitter, ku ministri i rindërtimit Arben Ahmetaj premtonte në 10 janar 2020 se në korrik të këtij viti do kishte përfunduar rindërtimi i banesave të shkatërruara nga tërmeti në këtë zonë.
Sipas Rrushajt godinat që duhet të ndërtoheshin janë ende projekte 3D, duke theksuar se në korrik duhet të kishin përfunduar, ndërsa në 22 gusht ende nuk kanë nisur.
“Rigënjeshtra nuk e fsheh dot të vërtetën: godinat që duhet të ndërtoheshin janë ende vetëm projekte 3D dhe premtimet nuk kanë shtuar asnjë tullë. Premtuan që në korrik do ti përfundonin, po mbaron gushti dhe skanë filluar akoma”, shkruan Rrushaj.
