Në Korçë u zhvillua operacioni policor i koduar “Pikturat” ndaj një “mjeshtri” të vjedhjes së banesave dhe bizneseve. Si rrjedhim, u arrestua një 33-vjeçar, autor i i 17 vjedhjeve në qytet dhe iu sekuestrohen piktura me vlerë dhe sende të tjera të vjedhura.
Policia e Korçës ka arrestuar kështu sërish një “mjeshtër” të dënuar edhe më parë për vjedhje: E. B, 33 vjeç, banues në Korçë. Ai kishte qenë nën ndjekjen dhe monitorimin e Policisë kur u kap në flagrancë në lagjen nr. 1, duke vjedhur në banesën e shtetasit V. T.
Në lagjen nr. 3, është vjedhur banesa e shtetases V. M.
Në lagjen nr. 10, është vjedhur banesa e shtetasit J. Ç.
Në lagjen nr. 12, janë tentuar të vidhen 4 banesa; është vjedhur banesa e shtetasit M. K., dhe dyqani i shtetasit K. B.
Në lagjen nr. 17, është vjedhur lokali i shtetasit A. Xh.
Në lagjen nr. 18, është vjedhur lokali i shtetasit Sh. G., banesa e shtetasve L. G; Ll. P; dhe A. Ç; është tentuar të vidhet banesa e shtetasit Dh. G; dhe është vjedhur dyqani i shtetasit I. C.
Në lagjen nr. 1, është tentuar të vidhet një objekt kulti.
Në cilësinë e provës materiale u sekuestruan piktura me vlerë dhe sende të tjera të vjedhura.
Materialet i kaluan Prokurorisë së Rrethit Gjyqësor Korçë për veprën penale “Vjedhja, e kryer më shumë se një herë”.
