Milena Diekmann është vetëm 17-vjeç, e cila ka arritur të bëhet e njohur falë talentit të saj në stilimin e flokëve. Milena thotë se gjithmonë bënte gërsheta të thjeshta, por dëshira për të bërë diçka të re e shtyu atë të eksperimentonte me stile më komplekse dhe të pazakonta.
Teknikat që ajo po përdor janë shumë të ndërlikuara dhe flokët mund të kthehen në një punim me shumë ndërthurje, që i ngjajnë mënyrës se si njerëzit krijojnë shporta. Ëndrra e saj është që një ditë të punojë me VIP-a apo si një stiliste për ta bërë ditën më të rëndësishme për vajzat, përrallore dhe me stil, sipas Bright Side.
Megjithatë puna e palodhur dhe talenti i saj nuk kanë kaluar pa u vënë re. Milena nisi të krijojë modele komplekse në vitin 2019, dhe pas vetëm një viti, në llogarinë e saj në Instagram tashmë ka mbi 30 000 ndjekës. Ashtu si një artiste e vërtetë, ajo pëlqen që t’i mësojë të tjerët si të arrijnë t’i bëjnë këto modele. /abcnews.al/
