Gazetari Mentor Kikia tha se Shkëlzen Buci, i cili qëlloi për vdekje motrën e tij tetë vite më parë, është në fakt viktimë e të atit.
I ftuar në emision “Open” ai tha se ishte po i ati, Faik Buci, i cili e shtyu të birin edhe në atentatin ndaj aktorit Mishel Manoku, për të marrë para që do t’i përdornin për kurimin e djalit tjetër që ishte sëmurë me kancer.
“Çështja është komplekse. Nëse kjo ngjarje do ishte ndodhur për shkaqe mendore do të ishim më të kënaqur se sa motivet që po diskutojmë këtu. Është brutaliteti i atyre traditave për të cilat ne shpesh jemi shumë krenar, ku fëmija konsiderohet pronë. Me forcë ngrihet mënyra e konsiderimit të marrëdhënieve me dhunë e fëmijëve. Viktimë e atij babai është edhe vëllai që vrau motrën, sepse ai e ka shtyrë atë të bëjë edhe një tjetër krim, për të marrë disa para, për të shpëtuar vëllain tjetër të sëmurë,ka qenë në dijeninë dhe bashkëpunimin e babait. Ky baba shtynë të birin të kryej një krim, vrasjen e motrës. Ky, veç vajzës, ka vrarë edhe djalin”, u shpreh Kikia.
