Një ndeshje që dhuroi grushta dhe 5 kartona të kuq dhe vetëm një gol. Kjo është rezymeja e përballjes me PSG dhe Olimpik Marsejës, që përfundoi me fitoren e marsejezëve në fushën e parizienëve.
Thauvin shënoi golin e parë dhe të vetëm në minutën e 31-të, ndërsa kur pritej që PSG e yjeve të bënte kthesën nuk arritën dot. Në minutat e fundit të ndeshjes shpërthyen dhe grushtet.
Sherri masiv pushtoi fushën e blertë në sekondat e fundit për shkak të ndërhyrjes së ashpër ndaj marsejezëve, me pesë futbollistë që u “skuqën”. Neymar, Kurzawa dhe Paredes u ndëshkuan për kampionët e Francës, ndërsa Amavi dhe Benedeto për miqtë.
Për brazilianin u desh që arbitri të shikonte rastin në Var dhe më pas ta nxirrte nga fusha. Kjo është humbja e dytë radhazi e PSG në kampionat që nuk e nis mirë kampionatin francez.
