Agron Tanushi është identifikuar si autori i vrasjes së ndodhur në mbrëmje në Bathore, ku qëlloi për vdekje nusen e vëllait të tij, Jetmira Hasani.
Start News ka siguruar edhe foton e Tanushit, i cili është shpallur tashmë në kërkim nga policia.
Nuk ka ende një motiv zyrtar lidhur mbi shkaqet që çuan në këtë krim brenda familjes, ndërsa thuhet se shkak të jetë bërë çështje nderi.
Ka raportime se përpara shtëpisë së familjes Tanushi janë mbledhur një grup njerëzish, të cilët mendohen se janë familjarët e Jetmira Hasanit.
Ata kanë mbërritur në vendngjarje dhe janë konfliktuar me familjen Tanushi.
