Zyrtarët në qytetin e Lake Jackson në Teksas u kanë bërë thirrje qytetarëve që mos të përdorin ujin e rubinetit, pasi në rezervuar është gjetur një mikrob vdekjeprurës që konsumon trurin. Lajmi është dhënë pasi një gjashtë vjeçar ndërroi jetë si pasojë e atij mikrobi.
Testet kanë konfirmuar praninë e virusit në sistem dhe autoritetet kanë bërë thirrje për kujdes deri sa të dezinfektohet rezervuari. Nga viti 2009 deri në vitin 2018 në SHBA janë raportuar 34 raste me një virus të tillë.
Tetë komunitete janë paralajmëruar në Teksas, teksa nuk dihet se pas sa kohësh uji do të jetë sërish i përdorshëm.
Ky është një problem i dyfishtë për Lake Jackson pasi për të parandaluar përhapjen e Covid-19 duhet që të lajmë duart sa më shpesh, ndërsa tashmë u kërkohet që uji i rubinetit të përdoret vetëm për tualet.
