Pesë lojtarë të Kosovës U-21 kanë rezultuar pozitivë me Koronavirus së fundmi. Bëhet fjalë për Eris Abedini, Kreshnik Hajrizi, Lirim Kastrati dhe dy futbollistë të tjerë të paidentifikuar, raportojnë mediat kosovare.
Situata kaotike e krijuar së fundmi, ka vënë në rrezik, ndeshjen ndaj Andorrës, e planifkuar për t’u zhvilluar ditën e nesërme në “Fadil Vokrri”. Drejtuesit dardanë janë në pritje të vendimit nga UEFA, në lidhje me këtë sfidë, e vlefshme për kualifikueset e Europianit të 21-vjeçarëve.
