Një 50-vjeçar është vrarë më armë zjarri në Fier. Sot rreth orës 06:00, në lagjen “Sheq i Madh” Fier, nga një person ende i paidentifikuar, është vrarë në rrugë me armë zjarri shtetasi A. T., 50 vjeç banues në lagjen “Sheq i Madh”, Fier.
Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
Identifikimi i viktimes
Është identifikuar personi që u gjet i vrarë me armë zjarri sot në Sheq të Madh në Fier. Ngjarja ndodhi rreth orës 06:00. Raportohet se viktima është 50-vjeçari Ahmet Toska.
Mësohet se viktima ka qenë duke ecur në këmbë pranë një shkolle 9-vjeçare, ndërsa në rrethana të paqarta është vrarë.
Në vendngjarje ka shkuar grupi hetimor dhe po punon për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje daljet e qytetit dhe po vijon krehja e zonës nga shërbimet e Policisë Fier dhe FNSH Fier.
