Juventusi mori një fitore të lehtë 1-4 në transfertën hungareze ndaj Ferencvaros, me të cilin aktivizohet edhe shqiptari Uzuni.
Bardhezinjtë nuk e vunë thuajse në asnjë moment në diskutim fitoren në këtë ndeshje, ku kaluan në avantazh me anë të Moratas vetëm pas 7 minutash lojë. Spanjolli shënoi edhe golin e dytë në minutën e 60, ndërsa realizoi edhe Dybala para se vendasit të shënonin një autogol.
Uzuni, i cili vetëm pak ditë më parë kaloi koronavirusin, luajti vetëm 10 minuta në këtë ndeshje, e cila u mbyll me golin e nderit nga Ferencvaros në minutën e 90.
Ndërkohë, edhe Barcelona arriti të marrë 3 pikët në ndeshjen e tretë të grupeve të Champions, duke mundur 2-1 Dinamon e Kievit.
Pas 3 ndeshjeve të para, ky grup udhëhiqet nga Barça me 9 pikë, Juventusi i dyti me 6 pikë, ndërsa Dinamo e Kievit dhe Ferencvaros kanë vetëm nga një pikë.
Surprizon PSG që bie në Gjermani përballë Leipzig. E pse kaluan të parët në avantazh me anë të Di Maria që në minutën e 6, parizienët nuk mundën të administronin rezultatin.
Fitore të pastra edhe për Chelsea dhe Borussia Dortmund që fituan 3-0 respektivisht përballë Rennes dhe Clube Bruges.
