Detaje të reja kanë dalë në dritë në lidhje me shpërthimin e ndodhur në lokalin e një 46-vjeçareje në Shkodër.
Pronarja e lokalit Hana Foleta nuk ka dyshime mbi autorët. Tre muaj më parë, djali i 46 vjeçares është përfshirë në një plagosje.
Djali i 46 vjeçares ka plagosur lehtë me thikë dy persona. Edhe pse u arrestua, më pas djali i pronares u la i lirë.
Dy të plagosurit s’kanë bërë denoncim në polici për ngjarjen.
Problem është fakti që lokali ku shpërtheu tritoli nuk kishte kamera sigurie. Ngjarja ndodhi një natë më parë, rreth orës 21:00, ndërsa deri më tani janë shoqëruar gjashtë persona.
