Detaje të reja zbardhen nga plagosja në fshatin Balldre të Lezhës. Gazetari Elidon Ndreka sjell në redaksinë e “BalkanWeb” pamjet e para nga vendngjarja.
Në video shihet momenti i trishtë, kur gruaja e të plagosurit nxjerr fëmijën nga makina dhe e largon nga vendi i ngjarjes.
Fëmija dëgjohet duke qarë e ulëritur nga frika, teksa ka qenë i pranishëm në momentin kur babai i tij, 43-vjeçari Hilë Gjini, është qëlluar me dy plumba brenda mjetit.
I plagosuri ka qenë duke dërguar fëmijët në shkollë, kur është qëlluar nga bashkëfshatari.
