Një aksident i rëndë ka ndodhur në zonën e Babrrusë.
Nga aksidenti i fortë, ku u përfshinë dy automjete kanë mbetur të plagosur disa persona, gjendja shëndetësore e të cilëve nuk bëhet e ditur.
Personat e plagosur janë dërguar me urgjencë në spital me makinat e rastit, pasi policia nuk ka mbërritur ende në vendngjarje.
Siç shihet dhe nga pamjet, përplasja ka qenë shumë e fortë saqë automjetet janë dëmtuar plotësisht në pjesën e përparme.
Pritet puna e grupit hetimor për të zbardhur rrethanat e aksidentit.
