Ministri i sapoemëruar i Brendshëm, Bledi Çuçi ka vizituar këtë të dielë familjen e 25-vjeçarit të ndjerë Klodian Rasha.
Në vizitën që ka zgjatur rreth 10 minuta, Çuçi është shoqëruar nga drejtori i SHÇBA, Muhamet Rumbullaku dhe zyrtarë të tjerë të lartë të Policisë së Shtetit.
Çuçi ka vetëm tre ditë që e ka marrë zyrtarisht detyrën, pas largimit të Sandër Lleshajt.
Lleshaj dha dorëheqjen pas vrasjes së 25-vjeçarit nga efektivi i policisë, i cili e ndoqi pranë banesës së tij, pasi e vuri re se kishte thyer orën policore. Vrasja që tronditi vendin u pasua nga protesta të dhunshme që zgjatën për 7 ditë.
Në familjen Rasha ka shkuar më herët Lleshaj dhe kryeministri Edi Rama.
