Duket sikur kemi të bëjmë me një ngjarje dejavu si në rastin e eleminimit nga policia disa muaj më parë në Elbasan të shtetasit Kujtim Zhidru, i cili pasi kërcënoi me armë zjarri, u eleminua nga forca të shumta të ndërhyrjes së shpejtë.
Josif Kavaja, nga fshati Zavalinë i Elbasanit, vazhdon të jetë në arrati prej disa orësh, pasi kundërshtoi me armë zjarri policinë, duke u fshehur në pyll.
Më herët ai kërcënoi banorët e fshatit se do i vriste të gjithë deri ditën e nesërme.
Ka qenë kjo arsyeja përse ata e kanë denoncuar në polici pasi shqetësimeve të shumta që kishin pasur me këtë shtetas, i cili jetonte i vetëm, i pamartuar, në një banesë të veçuar të fshatit.
Kavaja mësohet se vuan nga ç’rregullime mendore, dhe vazhdon ti bëjë rezistencë policisë.
