Dy persona kanë humbur jetën si pasojë e një aksidenti të ndodhur mëngjesin e sotëm në Fier. Sipas policisë, rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës.
Si pasojë kanë ndërruar jetë dy shtetas (një mashkull dhe një femër) ende të paidentifikuar. Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerrjen e automjetit nga uji.
Po kontrollohet vendi i ngjarjes nëse ka pasur persona të tjerë në automjet.
