“Kur të mbarojë pandemia, njerëzimi do të jetë sikur të ishte përballur me një luftë, me situata dramatike nga pikëpamje të ndryshme, ekonomike, sociale”. Kështu shpreh Walter Ricciard, profesori i Mjekësisë në Universitetin Katolik të Romës, dhe ekzekutiv i Organizatës Botërore të Shëndetësisë.
“Por, si në të kaluarën, njerëzimi do të jetë në gjendje të rimëkëmbet,” tha ai, duke iu referuar kërkimeve në mbarë botën për koronavirusin e ri dhe asaj që ne ende kemi për të zbuluar në lidhje me të.
“Ne jemi vetëm në fillim. Unë besoj se, si me HIV, do të ketë shumë zbulime të reja në lidhje me SARS-CoV-2 në të ardhmen, dhe ajo që do të jetë më e rëndësishmja është një kuptim më i mirë i virusit”, shtoi ai.
Sipas tij, do të duhet të paktën edhe një vit e gjysmë, për të kontrolluar pandeminë dhe për të arritur fundin e saj.