Gjykata ka dhënë ‘arrest me burg’ për Përparim Ademin i cili më 31 dhjetor në Tiranë vrau bashkjetuesen dhe motrën e saj.
Ai akuzohet për ‘vrasje për shkak të marrdhënjeve familjare’.
Para gjykatës 59 vjeçari ka pranuar vrasjen, ndërsa avokati i tij është shprehur se ai nuk është në gjendje të mirë shëndetësore.
“Shëndeti i tij nuk është i mirë kaq mund të them, në vazhdimësi do shikojmë sesi do të ecë cështja,” tha avokati.Kujtojmë që ngjarja e rëndë ka ndodhur më 31 dhjetor në Astir në Tiranë, ku 59 vjeçari Përparim Ademi vrau bashkëjetuesen e tij dhe motrën e saj me kallashnikov. Viktimat janë Kristina Bardhi dhe Zhaneta Metani.
Në fillim u raportua se qëlloi për vdekje mbi 2 motrat për shkak se njëra prej tyre që ishte edhe e dashura e tij nuk pranonte që të vazhdonte lidhjen, por vetë autori në policia ka thënë se e ka bërë për arsye xhelozie.
