Gjykata e Tiranës ka dënuar me burgim të përjetshëm Dashamir Xhepën, i cili vrau kunatën, Lirie Xhepën dhe trupin e saj e hodhi në liqenin e Sharrës.
Ngjarja e rëndë ndodhi më 13 shkurt 2019, ndërsa Lirie Xhepa ishte kunata e ve e Dashamir Xhepës, pasi i shoqi i kishte vdekur kohë më parë.
Ajo ishte nënë e katër fëmijëve, me të cilët jetonte në Sharrë, pranë kunatit që i mori jetën.
Dashamir Xhep e goditi fillimisht viktimën me sende të forta e më pas e qëlloi me dy plumba duke e lënë të vdekur.
Ai u arrestua pak ditë pas krimit në një hotel në Peshkopi, ndërsa përpara trupit gjykues, Xhepa tha se kishin konflikte për pronat dhe se viktima u kishte ulur reputacionin duke krijuar lidhje intime me persona të tjerë në fshat.
Por sipas hetimeve, autori dhe viktima ishin të përfshirë në një marrëdhënie intime mes tyre.