I ftuar në PolitikOn nga Alfred Lela në RTV Ora, sekretari i përgjithshëm PD-së, Gazment Bardhi ka komentuar edhe rezultatet e sondazhit në RTV Ora.
Bardhi tha se qytetarëve po u bëhet presion për të mos votuar PD-në, prandaj sondazhet nuk tregojnë realitetin.
Bardhi: Ai rezultat për PS-në reflekton edhe frikën e njerëzve për të deklaruar votën. Dua të them një eksperiencë personale në Elbasan. Kudo ku shkoj ka njerëz që fshihen dhe kanë frikë të dalin në foto se i kërcënojnë me ndihmë ekonomike.
Në çdo fshat të Elbasanit, me grihet shqetësimit që banorët që marrin ndihmë ekonomike, kërcënohen nëse vijnë në takimet e PD-së apo votojnë për ne, do t’u ndërpritet kjo ndihmë. Në rezultatet e sondazhit, qytetarët nuk e dinë nëse është përfaqësuesi i qeverisë, i RTV Ora apo dikush nga PS.
Ne jemi të bindur që nuk pasqyron të vërtetën. Situata është shpërthyese dhe qytetarët kanë mllef dhe ndihen të braktisur për 8 vite. Në Elbasan ka zero investime dhe zero mbështetje për familjet në nevojë, dhe zero mundësi për punësim. Prandaj ky rezultat nuk pasqyron atë shantazh që po u bëhet votuesve. Ne do t\i drejtohemi SPAK-ut sepse ky është një krim.
Sekretari i përgjithshëm PD-së, Gazment Bardhi u shpreh se lista e plotë do të kalojë në këshillin dhe në kryesinë e PD-së sipas afateve ligjore që parashikon kodi Zgjedhor.
Bardhi: Kundërshtari politik i yni ka nisur fushatën duke caktuar krerët e qarqeve, ndërsa ne kemi nisur duke caktuar disa detyra për strukturat e partisë dhe në këto kohë po caktohen drejtuesit e qarqeve.
Nuk ka pasur asnjë vonesë nga procesi që kishim parashikuar. Në qershorin e vitit të kaluar kemi pasur një proces për përzgjedhjen e kandidatëve. Për zona të caktuar mund të kemi shpallje më herët, por lista e plotë do të kalojë në këshillin dhe në kryesinë e PD-së sipas afateve ligjore që parashikon kodi Zgjedhor.
