Italia vazhdon të regjistrojë shifra alarmante të numrit të vdekjeve nga COVID. Në raportin ditor, vendi fqinj njofton se 499 persona kanë humbur jetën 24 orët e fundit, duke e çuar në 89 344 numrin total të viktimave.
Gjithashtu u regjistruan 9660 raste të reja me koronavirus nga 244 mijë tamponë të kryerë në të gjithë vendin.
Në terapitë intensive aktualisht ndodhen të shtruar 2214 persona, 38 më pak nga një ditë më parë. Rajoni me më shumë raste të reja ditore është ai i Siçilisë.