Gjatë takimit të martën me të dërguar diplomatikë nga Europa e Azia, ministri i Jashtëm kinez Wang Yi u shpreh se Kina është e gatshme të ndajë mundësitë e tregut me vendet euroaziatike.
Wang Yi u shpreh se, përballë ndryshimeve të mëdha të papara gjatë një shekulli dhe pandemisë, vendet e ndryshme duhet të mbështesin me vendosmëri njëri-tjetrin, duke ngulur këmbë në bashkëpunimin me përfitime të përbashkëta.
“Kina dëshiron të ndajë mundësitë e tregut me vendet e tjera për të marrë përfitime të përbashkëta,” tha Wang Yi.
Kryediplomati bëri thirrje gjithashtu për ndërtimin së bashku të “Një brez, një rrugë” me cilësi të lartë, për të realizuar rritjen e përbashkët nëpërmjet bashkëpunimit. Ai vuri në dukje se Kina po krijon një model të ri zhvillimi dhe hapja e saj do të zgjerohet më tej.
Në emër të të dërguarve diplomatikë, ambasadori rus në Kinë Andrey Denisov u shpreh se vendet në rajonin e Euroazisë dëshirojnë të punojnë së bashku me Kinën për të nxitur bashkëpunimin dhe zhvillimin në një nivel të ri. (Fani/Artan)
