Një vajzë nga Shqipëria e cila bashkëjeton me një shtetas shqiptar të Kosovës, e ka pësuar keq pasi ky i fundit ka tentuar ta shfrytëzojë për prostitucion.
E reja ka mundur të ‘shpëtojë’ duke bërë denoncim në Policinë e Kosovës, për partnerin e saj, që sipas kallëzimit, i ka çuar në banesë katër meshkuj të tjerë, që të kryente marrëdhënie intime në këmbim të parave.
Sipas raportit të Policisë së Kosovës, kjo situatë ka ndodhur të dielën rreth orës 16:00, në Fushë Kosov
Siç thuhet në raport, vajza ka deklaruar gjithashtu se i dyshuari i ka marrë asaj florinjtë me vlerë 1400 euro dhe 2000 euro para të gatshme, se e ka sulmuar fizikisht disa herë dhe e kishte detyruar të kërkon lëmoshë.
“Viktima femër – shtetase e Shqipërisë ka raportuar se i dyshuari mashkull me të cilin bashkëjeton në banesë i kishte dërguar katër persona tjerë që të kryente marrëdhënie intime në këmbim të parave, viktima kishte kundërshtuar dhe ishte larguar nga banesa.
Po ashtu viktima ka deklaruar se i dyshuari i kishte marrë një sasi të arit me vlerë prej 1400 euro dhe 2000 euro para të gatshme, se e ka sulmuar fizikisht disa herë dhe e kishte detyruar të kërkon lëmoshë. Lidhur me rastin është njoftuar prokurori. Rasti nën hetime”, thuhet në raportin e policisë./ Telegrafi
