Një 16-vjeçar, pa sëmundje bashkëshoqëruese, ka ndërruar jetë si pasojë e koronavirusit në Angli.
Sipas “Daily Mail”, ai ishte mes 307 viktimave që ndërruan jetë ditën e sotme, si pasojë e virusit.
Ndërkohë, vetëm një ditë më parë, një 13-vjeçar pa sëmundje të tjera bashkëshoqëruese, gjithashtu humbi jetën si pasojë e koronavirusit.
Prej disa ditësh, Britania ka parë një rënie në numrin e rasteve të reja me koronavirus.
Ndërkohë, që nga fillimi i pandemisë, numri i përgjithshëm i vdekjeve ka shkuar në 81046.
