Një tërmet me magnitudë 2.8 të shkallës Rihter është regjistruar sot në orët e para të mëngjesit në Durrës. Mësohet se lëkundjet janë ndjerë në orën 03:50, në afërsi të Gjirit të Lalëzit, ndërkohë që më herët është shënuar dhe një tërmet tjetër, por në madhësi më të vogël.
Aktualisht, nga lëkundjet nuk raportohen për dëmtime në banesa apo të lënduar.
Kujtojmë se vendi ynë u godit nga një tërmet i fuqishëm më 26 nëntor i 2019-ës, ku për pasojë 51 persona humbën jetën si dhe u plagosën qindra të tjerë.
