Një aksident rrugor ka ndodhur në Elbasan në aksin rrugor që lidh qytetin me fabrikën e çimentos.
Siç shihet në fotot e mëposhtme, në aksident është përfshirë edhe një automjet i Policisë Rrugore.
Siç mësohet paraprakisht, makina në fjalë i përket shefit të Qarkullimit Rrugor në Elbasan, ndërsa nga aksidenti janë lënduar dy drejtuesit e mjeteve.
Ndërkohë policia po punon për zbardhjen e rrethanave të aksidentit. Ndërsa të plagosurit janë dërguar në spital për të marrë ndihmën mjekësore.