Një pikë karburanti në Shënkoll të Lezhës është grabitur mbrëmjen e së dielës. Raportohet se autorët e maskuar me pistoletë dhe shkop bejsbolli kanë arritur që të marrin 1 milion lekë.
Në orët e vona të mbrëmjes së djeshme, në aksin rrugor Lezhë-Tiranë, dy persona ende të paidentifikuar, me anë të presionit i kanë marrë një sasi lekësh (xhiron ditore) punonjësit të një karburanti.
Grupi hetimor po punon për zbardhjen dhe sqarimin e plotë të rrethanave të ngjarjes, identifikimin dhe kapjen e autorëve.