Një tjetër person është konstatuar duke fotografuar votën. Ngjarja ka ndodhur në qendrën e votimit 4498 në KZAZ-në 86 në Vlorë.
Bëhet e ditur se personi që ka mundur të largohet nga qendra e votimit pas këtij akti, është Sh. Tare. Ndërkohë thuhet se kanë qenë komisionerët e PD ata që njoftuan policinë.
Gjithashtu mësohet se policia dhe Prokuroria kanë mbërritur në vendin e qendrës së votimit. Kujtojmë se ky është rasti i gjashtë i incidentit të ndodhur në të gjithë vendin. Më parë janë konstatuar qytetarë që kanë fotografuar votën në Tiranë, Vlorë, Shkodër, Lunxhëri dhe Korçë.
