Dy persona kanë gjetur vdekjen në dy raste të ndryshme në Lezhë dhe në Durrës.
Në tregun e Milotit, një person ende i pa identifikuar është gjetur pa jetë mëngjesin e sotëm.
Ndërkohë në Porto Romano, një 56 vjeçar është gjetur i mbytur nga peshkatarët.
Lezhë/ Informacion paraprak
Më datë 09.05.2021, rreth orës 06:30, në vendin e quajtur ” Tregu i Milotit” është gjetur në rrugë , pa shenja jetë një shtetas ende i paidentifikuar.
Nga këqyrja paraprake nuk janë konstatuar shenja dhune apo demtime të tjera.
Grupi hetimor ndodhet në vendngjarje dhe po punon për identifikimin e shtetasit dhe përcaktimin e shkakut të humbjes së jetës, ku paraprakisht dyshohet vdekje natyrale .
Durrës/Informacion paraprak
Më datë 09.05.2021, në orën 07:35, në Porto Romano, është gjetur i mbytur në det nga peshkatarët shtetasi B. B., rreth 56 vjeç.
Nga këqyrja paraprake nuk janë konstatuar shenja dhune.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
