Ka nisur mbledhja e Kryesisë së Partisë Demokratike. Mbledhja po zhvillohet në selinë blu, ku do të shqyrtohen dhe kandidaturat për zgjedhjen e kryetarit të PD-së më 13 qershor.
Basha ka autorizuar dy nën/kryetarët, Edi Paloka, Edmond Spahon dhe Sekretarin e Përgjithshëm, Gazmend Bardhin për të drejtuar mbledhjen.
Kjo mbledhje ka në rend të ditës, shqyrtimin dhe më pas miratimin e kandidatëve për kryetar të PD-së.
Ora News, mëson se kandidatët për kryetar të Partisë Demokratike janë 9:
Admir Mulaj
Edmond Vrapi
Sabri Hoxha
Mirjan Jashanllari
Lulzim Basha
Agron Shehaj
Fatbardh Kadilli
Edit Harxhi
Ibsen Elezi.
Për të marrë miratimin e kryesisë këto kandidatë duhet të përmbushin disa kushte mes të cilave edhe kontributi i dhënë në fushatë.
Këshillit Kombëtar më 16 Maj vendosi që më 13 qershor të mbahen zgjedhjet për kryetarin e ri të PD-së. Ndërkohë Këshilli vendosi edhe anëtarët e Komisionit Zgjedhor të PD që do të jenë; Jemin Gjana në rolin e kryetarit, Albana Vokshi, Belind Kelliçi, Eno Bozdo, Mimoza Hasekiu, Albert Avduli dhe Gjokë Vuksani si anëtarë dhe Ervin Minarolli dhe Lulzim Omuri si ndihmës.
